من طبعي ما أتأثر بالأنـاشيد , مهمــا كانت كلماتهــا , لأن أغلب ما يهمني منها هو اللحن الجيّد , بس هذي الأنشودة انتزعت مني بسمة =) ,, و ضحكة على نفسي ,, لأني اليـوم و أنا رايح للكلية شغلتهــا , و هي ” أنا في الروضة ”

صحيح اني ما دخلت لروضة , بس تذكــرني بأيــام الطفولة و أولى ابتدائي بشكل خــاص ,, ^_^ أيــام الشيخ عدنـان نجم الدين الله يرحمه , يوم كان في أيـام الأسبوع التمهيدي يخلينا نردد وراه , ” لا إله إلا الله , لا إله إلا الله , محمد رسول الله , عليه صلاة الله .. إلى آخر الانشودة الجميلة ” ,,

ما أطول عليكم ,,

من هون ,,

أنــا في الروضة ويا أصحــابي ^_^

ملاحظة , الأنشودة بمؤثرات فقط !

لو تدرون المرمطة و التعب اللي حصل عشان آخذ هذي البطاقة ! يمكن ترحموني ,,:(

البطاقة هذي , بطاقة صراف لحساب “راتبي” من بنك الريــاض اللي تتعامل معه كليتنا ” كلية المطعسين ” آسف ,, قصدي المعلمين !

في بداية السنة , كان الصرف يتم عن طريق ” صك الطفران “ p: أو الشيك , طبعاً ما تاخذه بالساهل ,, أول شي , يبغالك تهيئة نفسية عشان الزحمة ذذ , بعدين أنواع الزحمة , بعد ما تاخذ الشيك الموقر , لازم تروح للزحمة الثانية , مكتب العميد , لازم كل شيك يمر على سعادة العميد الموقر :d ,, بعد ما تفتك من زحمتين ” طبعاً لازم تسحب على محاضرة على الأقل “ يبقى زحمة البنك ,, تروح للبنك طبعا مشوار محترم ,, فوق 10 كيلو على بال ما تصل البنك , و اذا ما عكّسوا عليك و قالوا تعال بعد يومين , أو رحموك و قالوا تعال بعد الظهر ,, تمسك سرا مخصص لطلاب الكلية , و تصرف الألف اللي ما بغت تطلع :d ,,

الحال هذا استمر فترة , بعدين رحمونا و صار العميد يوقع كل الشيكات , و ما نضطر نروح له ,,

ثم , في بداية هذا الترم ” تقريبا في بداية شهر 2 هجري ” , طرحوا أوراق لفتح الحساب في بنك الريــاض , و اللي عنده حساب يحط رقمه عندهم عشان يصرفوه عن طريقه , عبيت الأوراق , و سلمتها لهم , و طوّلوا لدرجة اني نسيت الموضوع كله ,, بعدين ,, نزلوا اعلان لأصحاب الحسابات ,, لازم تفتحوا حساب ثاني في البنك , ؟؟؟ ليه ؟؟؟ ,,

في شباب عبوا الأوراق رغم ان عندهم حساب ثاني, و على طول جمدوا الحسابين !! يقولوا في تعارض !! ,, الحمد لله ان حسابي الأول في الراجحي :$ ,,

المهم ,, نزلوا اعلان في بداية هذا الشهر الهجري , تعالوا و خذوا بطايقكم اللي أبلشتونا فيها ,, و طبعاً نزلت فيها المكافأة !

و يافرحة ما تمت الأرقام السرية ماهي موجودة !! , قالوا لنا بنجيبها لكم ,, بعدين قالوا خذوها من البنك ,,

الأربعاء , بعد الظهر , رحت للبنك , و آخذ رقم ,, و لطعة نص ساعة ,, يوم وصلت , قالوا الأرقام عند الكلية !! و الله دوختونا

الى الآن ننتظر الكلية تحن علينا و تعطينا الأرقام السرية ,, و ما أعتقد انها راح تعطينا اياها بدري !!

الصورة هذي من أيـام الشتاء العام المــاضي ,, أعجبتني شجاعة الأولاد و جرأتهم بقربهم من القلاّب !

الله يخلف على أيــام أول بس !! كنّــا مساكين :d

بسم الله الرحمن الرحيم

ها أنا أخطو أول خطواتي في عــالم التدوين , لابد أن يحصل بها بعض التعثر و السقوط في البداية , لكن أطمح أن أستمر في غرفتي و عالمي على النت =)

عبد الله العرادي

الأحد 6\5\1429 هـ

الموافق 11\5\2008